မြိုင်မဟာဓာတ်ရှင်(အပိုင်း ၂)
မြိုင်မဟာဓာတ်ရှင်(အပိုင်း ၂)
ပညာဆန်း သုံးရပ်
{၄}
အမျိုးသား၏ နာမည်မှာတော့ ဦးယက္ခဖြစ်ပြီး နာမည်နှင့်လိုက်အောင်ပင်
ကြောက်စရာကောင်းသောမျက်နှာကိုပိုင်ဆိုင်ထားကာ ဘီလူးတစ်ကောင်ကဲ့သို့ ပုံစံပေါက်နေပေတော့သည်။ဦးယက္ခမှာ ဒေါ်မယ်ခ၏သားဖြစ်သည်။မိန်းမပျိုလေး၏နာမည်ကတော့ ခင်နွဲ့ရီ ဖြစ်ပြီး ကျန်သည့်လူများနှင့်ခြားနားစွာ ချောမောလှနေပေသည်။ခင်နွဲ့ရီမှာ ဦးယက္ခ၏ သမီးဖြစ်ကာ ရုပ်ရည်ဆိုးသွမ်းလှသော အဖေနဲ့မတူဘဲသေဆုံးပြီးသော အမေနဲ့တူ၍ လှပသောရုပ်ရည်မျိုးကိုပိုင်ဆိုင်ထားပေသည်။ထိုအိမ်ကြီး၌ ခင်နွဲ့ရီဆိုသော ချောမောလှပသည့် မိန်းမပျိုလေးရှိမှန်း အခေါင်းပျောက်ရွာရှိ
ကာလသားများသိကြသော်လည်း အဖေဖြစ်သူဦးယက္ခနှင့်အဖွား ဒေါ်မယ်ခတို့ကိုကြောက်လှန့်ကြ၍ မည်သူမျှမပိုးပန်းဝံ့ကြပေ။ဤမျှသာမကသေးဘဲ ထိုအိမ်ကြီး၌ စုန်းရှိသည်
ဟုယူဆ ကြ၍ တစ်ရွာလုံး ထိုအိမ်ဖက်သို့ခြေဦးပင်မလှည့်ကြပေ။အိမ်ကြီး၌ နေထိုင်သူများကလည်း အိမ်ထဲမှအိမ်ပြင်ပင်မထွက်ကြ၍ ထိုအိမ်ကြီးမှာ ခြောက်ကပ်နေပေတော့သည်။ထိုသို့ လူဝင်လူထွက်မရှိကြ၍ ခြောက်ကပ်နေခြင်းမှာ ထိုအိမ်၌ နေကြသူများအဖို့အခွင့်ကောင်းတစ်ခုရထားခြင်းဟုဆိုနိုင်ပေသည်။ထိုအိမ်၌ သူတို့သုံးယောက်အပြင် အစေခံနှစ်ယောက်လည်းရှိပေသေးသည်။မြင့်ဦးနှင့်ဖိုးထူးဟူသည့်လူရွယ်နှစ်ယောက်ပင်။
"ဟိုနှစ်ယောက် ညကျ အခေါင်းစင်မှာ လူသေ တစ်လောင်းလာထားဖို့ရှိတယ် သွားယူဖို့မမေ့ကြနဲ့နော်"
"ဟုတ်ကဲ့ပါ မယ်မယ်ကြီး "
"ပြီးတော့ အရင်ကယူထားတဲ့ အခေါင်းတွေ ထဲက ဘယ်နှစ်ခေါင်း အရိုးကျပြီလဲ"
"အခေါင်း ၂၀ လောက် ကျပြီ မယ်မယ်ကြီး"
"အေး အဲဒီ ကျနေတဲ့ အရိုးတွေ အားလုံး စုပုံပြီး သေချာထားထားကြ ပြီးရင် ယက္ခကို ငါ့ဆီလွှတ်လိုက်"
"ဟုတ်ကဲ့"
ဒေါ်မယ်ခ မှာ အိမ်ကြီးထဲ၌ အာဏာအရှိဆုံးဖြစ်၍ မည်သူမျှ ဒေါ်မယ်ခရှေ့ခေါင်းမဖော်ဝံ့အောင် ပင်ကြောက်လန့်ကြသည်။
"မယ်မယ်ကြီး"
"လာပြီလား ယက္ခ"
"ဟုတ်ကဲ့ မယ်မယ်ကြီးခေါ်တယ်ဆိုလို့ပါ"
"အေး ဟုတ်တယ် မင်းကိုခေါ်လိုက်ရတာကတော့
ငါတို့ရဲ့ အိပ်မက်ကို အကောင်အထည် စဖော်ချင်လို့ပဲ့ဟေ့"
"ဟုတ်ကဲ့ မယ်မယ်ကြီး ပြောစရာရှိတာသာပြောပါ"
"အခု ငါတို့စုထားတဲ့ အခေါင်းတွေထဲက အခေါင်း ၂၀ လောက် အရိုးကျနေပြီ တဲ့ အဲဒါ ငါဟိုနှစ်ယောက်ကို
အရိုးတွေစုခိုင်းထားတယ် အခုချိန်မှာ မင်းရဲ့ပညာတွေနဲ့
ငါ့ရဲ့ပညာတွေစုပေါင်းပြီး အစွမ်းကုန် ထုတ်သုံးရမယ့်အချိန်ကိုရောက်ပြီ"
"မယ်မယ်ကြီး ရဲ့ အစီအစဉ်ကို ချပြပါ ခင်ဗျား"
"အခု မင်းမှာ ငွေဘယ်လောက်ရှိလဲ"
"နတ်ကွန်း မှာ လာပူဇော်သမျှ အသားတွေကို စမ်းဖိုရွာမှာ
ရောင်းချပြီးစုဆောင်းထား လို့ ငွေစတော်တော်လေး စုဆောင်းမိနေပါပြီ"
"အေး ကောင်းတယ် ကောင်းတယ် အဲဒါဆိုရင်
မနက်ဖြန်ကျ အဲဒီငွေစတွေနဲ့ စမ်းဖိုရွာကိုဆင်းပြီး ငါမှာတာတွေ သွားဝယ်လာခဲ့"
"ဟုတ်ကဲ့ပါ မယ်မယ်ကြီး"
ဒေါ်မယ်ခတို့ကား မည်သို့မည်ပုံကြံနေကြသည် ကိုတော့
မည်သူမျှ မသိကြချေ။အိမ်ရဲ့ အနောက်ဖက်မှာတော့ သစ်များနှင့် နေထိုးနိုင်သည့်အပေါက် အပ်ပေါက်လေးမှမကျန်အောင် အလုံပိတ်ပြုလုပ်ထားသော အဆောက်အအုံတစ်ခုရှိပေသည်။ထိုအဆောက်အအုံအတွင်း ၌ကား လူသေများထည့်ထားသည့် အခေါင်းများဖြင့်ပြည့်နှက်နေသည်။သို့ကြောင့်လည်း အနံမထွက်စေရန် ထိုအဆောက်အအုံအား အလုံပိတ်ဆောက်လုပ်ထားခြင်းဖြစ်ပေသည်။
######
မနက်မိုးလင်းသည်နှင့် ယက္ခမှာ လှည်းတစ်စီးပြင်ဆင်ပြီး
မြင့်ဦးနှင့်ဖိုးထူးနှစ်ယောက်ကို ခေါ်ကာ စမ်းဖို့ရွာသို့ မောင်းနှင်လာခဲ့သည်။လှည်းပေါ်တွင်တော့ သူတို့သုံးယောက်အပြင် နတ်ကွန်း၌ လာရောက်ပူဇော်ထားသော ချေသား၊ဆတ်သား၊တောဝက်သား၊ပြောင်သား စသည့် အသားများပါတင်ဆောင်လာကြသည်။စမ်းဖိုရွာသို့သွားရာတွင်လည်း အလောင်းပျောက် တစ်ရွာလုံး
စမ်းဖိုရွာဆင်းသည့်လမ်းမှမသွားကြဘဲ သီးသန့် မည်သူမျှမမြင်အောင်လျှို့ဝှက်လမ်းဖောက်လုပ်၍ သွားကြခြင်းဖြစ်သည်။ထိုသို့သွားရခြင်းအကြောင်းအရင်းမှာလည်း
၎င်းတို့ နတ်ကွန်းမှ ယူဆောင်လာသော အသားများကို လူမမြင်စေလို၍ဖြစ်ပေသည်။ယက္ခတို့ဖောက်လုပ်ထားသည့် လျှို့ဝှက်လမ်းတွင်ကား မိစ္ဆာလျှိုမြောင်ဟုခေါ်သည့် လျှိုတစ်ခုအားဖြတ်သန်းသွားရသည်။ထိုနေရာတစ်ဝိုက်တွင် အခြားနေရာများထက် သစ်ပင်ကြီးများ ပို၍အုံ့ဆိုင်းနေပြီး နေ့အချိန်မှာပင် မှောင်မဲနေပေသည်။မိစ္ဆာလျှိုမြောင်သည် နာမည်နှင့်လိုက်အောင်ပင်
မမြင်ရသော နာနာဘာဝ ၊ပရလောကသားများနှင့်ပြည့်နှက်နေသည်။သို့သော်လည်း ယက္ခတို့အတွက် ဤမျှလောက်ကတော့ ဘာမှပူစရာလိုပေ။တစ်ဖြည်းဖြည်း ယက္ခတို့လှည်းမှာလည်း မိစ္ဆာလျှိုမြောင်သို့ရောက်လာလေသည်။
{၅}
မိစ္ဆာလျှိုမြောင်ရောက်သည်နှင့် ထုံးစံအတိုင်း
လှည်း၌တပ်ဆင်ထားသော နွားများမှာ ပုံမှန်မဟုတ်တော့ဘဲကြောက်လန့်စရာ တစ်ခုခုကိုမြင်ရသကဲ့ ရုန်းကန်လှုပ်ရှားလာတော့သည်။
"ကဲ မြင့်ဦးနှင့်ဖိုးထူး အကောင်တွေတက်လာကြပြီ
သူတို့အတွက် ထုံးစံအတိုင်း အသားတစ်ချို့ယူပြီး သွား
ပစ်ချပေးလိုက်ပါအုံး"
" ဟုတ်ကဲ့ပါ ကိုကိုကြီး"
ယက္ခပြောသည့်အတိုင်းပင် မိစ္ဆာလျှိုမြောင်အတွင်းမှ နာနာဘာဝသရဲတစ္ဆေများ ယက္ခတို့လှည်းလမ်းရှိရာသို့
အုပ်စုလိုက် တက်လာနေကြသည်။မြင့်ဦးနှင့်ဖိုးထူးလည်း
ယက္ခခိုင်းသည့်အတိုင်း လှည်းပေါ်မှ အသားတစ်ချို့ကို
ထမ်းချ၍ လျှိုထဲမှတက်လာနေကြသော နာနာဘာဝများရှိ
ရာသို့ပစ်ချပေးလိုက်တော့သည်။အသားများရသည်နှင့်
သရဲတစ္ဆေများလည်း ဆက်မတက်လာကြတော့ပေ။ထိုမှသာယက္ခတို့လှည်းအား အလိုရှိရာသို့စိတ်ချလက်ချဆက်လက်မောင်းနှင်နိုင်တော့သည်။ဤသည်မှာ
စမ်းဖိုရွာသို့ဆင်းသည့်အခါတိုင်း ယက္ခတို့ လုပ်နေကြအလုပ်ပင်ဖြစ်ပေသည်။နေ့စဉ်နှင့်အမျှဆိုသလို
အသားများ ကျွေးနေသော ယက္ခတို့နှင့် မိစ္ဆာလျှိုမြောင်
ရှိ နာနာဘာဝများမှာ ရင်းနှီးမှုများပင်ရရှိနေတော့သည်။
ထို့ကြောင့်လည်း စမ်းဖိုရွာသို့အသွားတွင်သာ အသားများပစ်ကျွေးရပြီး ပြန်သည့်အချိန်မှာတော့မည်သည့်အနှောက်အယှက်မှမရှိတော့ဘဲ သွားလာနိုင်ပေသည်။စမ်းဖိုရွာရောက်သည်နှင့် ယက္ခတို့ လှည်းပေါ်တင်ဆောင်လာသေား အသားများအား အသားဝယ်သည့်ဒိုင်တွင် ရောင်းချလိုက်ကြပြီး ရရှိငွေစများဖြင့် ဒေါ်မယ်ခ မှာလိုက်သည့် ပစ္စည်းများကို အစုံအစေ့ဝယ်ယူကာ
အလောင်းပျောက်ရွာသို့ ပြန်လှည့်လာခဲ့ကြတော့သည်။
"ယက္ခ ငါမှာလိုက်တဲ့ပစ္စည်းတွေ ပါရဲ့လား"
"အကုန်ပါပါတယ် မယ်မယ်ကြီး"
"ကဲ ဒါဆို တို့လုပ်ငန်းစလိုက်ကြစို့ မင်းလုပ်ရမယ့် ကိစ္စ
တွေသိတယ်မို့လား"
"သိပါတယ်မယ်မယ်ကြီး ကျွန်တော် ဟိုနှစ်ယောက်နဲ့
အမြန်ဆုံးပြီးအောင် စီစဉ်လိုက်ပါ့မယ်"
တကယ်တော့ ယက္ခတို့စီစဉ်နေကြတာကတော့တခြားမဟုတ်။ ဘူတာဝါဟန ပညာရပ်ဖြင့် လူရုပ်ပြုလုပ်အသက်သွင်းပေးခြင်းပင်ဖြစ်ပေသည်။အိန္ဒိယမှာရှိသော မဟာဂန္ဓာရီတက္ကသိုလ်များ တွင် အခြားပညာရပ်များနှင့်တွဲဖက်ပြီး ထိုပညာရပ်ကိုပါသင်ကြားပေးခဲ့သည်။နောက်ပိုင်းမှာတော့ မဇ္ဈိမဒေသတွင် ဘူတာဝါဟန ပညာမှာတစ်ဖြည်းဖြည်းပြန့်နှံ့သွားခဲ့လေသည်။
ထိုပညာရပ်နှင့်တွဲဖက်သင်ကြားသော ပညာရပ်တို့မှာ
(၁)ခန္ဓာဝါဟနပညာ
ခန္ဓာကိုယ်အစိတ်အပိုင်းတို့ကိုမူလအခြေအနေအတိုင်း
ပြန်ဖြစ်အောင်တည်ဆောက်သော ပညာ။
(၂)ရူပါဝါဟနပညာ
တည်ဆောက်ပြီးသောခန္ဓာအား မူလအခြေအနေအတိုင်းပြန်ဖြစ်အောင် ဆေးဖြင့်ရေးခြယ် ဖန်တီးသော ပညာ။
(၃)ဘူတာဝါဟန ပညာ
အသက်မရှိသောရုပ်ခန္ဓာအား အသက်ဝင်လာအောင် အသက်သွင်းပေးသည့်ပညာ၊ထိုပညာကို"ဖုတ်သွင်းခြင်း
အတတ်"ဟုခေါ်ဆိုကြသည်။
ထိုပညာ သုံးရပ်တို့ပေါင်းစပ်၍ အသက်မရှိသော အရုပ်များအား အသက်သွင်းပေး လိုရာခိုင်းစေနိုင်ကြပေသည်။
ယခုလည်း ဒေါ်မယ်ခနှင့် ယက္ခတို့ ထိုပညာသုံးရပ်အား
ပေါင်းစပ်၍ အရုပ်များပြုလုပ်ရန်ကြံစည်နေကြတော့သည်။
ထိုအရုပ်များပြုလုပ်ရာ၌ ပထမဦးစွာ လူရိုးများကို နဂိုအတိုင်းပြန်ဖြစ်အောင် ဆက်၍ ပြုတ်မထွက်စေရန် လျှော်ကြိုးများဖြင့်တွဲချည်ရသည်။အရိုးတွဲပြီး
ကောက်ရိုးများ၊လဲမှိုများ၊အဝတ်စုတ်များဖြင့်ပုံဖော်သည်။
အချို့နေရာများမှာကြိုးဖြင့်ပတ်ချည်ပြီး၊အချို့နေရာမှားမှာတော့ သစ်စေး၊ကော်၊ကတ္တရာတို့ဖြင့် ကပ်တန်ကပ်၊အင်တွဲမှုန့်တို့ဖြင့် တွဲတန်တွဲရသည်။လူပုံသဏ္ဍာန်ပေါ်ပြီဆိုလျှင်
ဝမ်းတွင်းကလီဇာများနှင့်ဦးနှောက်ကိုတော့ လဲမှိုများ၊
စီရင်ထားသော ဆေးတုံးများ ထည့်သည်။ထိုသို့ထည့်ပြီးသည်နှင့်အပေါ်မှ ပိတ်ဖြူဖြင့်ပတ်ပြီး သူ့နေရာနှင့်သူ
ဆေးခြယ်ပေးရသည်။ဆံပင်နေရာမှာဆံပင်တပ်ပြီး မျက်လုံး၊နှာခေါင်း၊ပါးစပ်များကို သူ့နေရာနှင့်သူ ရေးဆွဲတပ်ဆင်ပေးရသည်။တကယ့်တော့ ယက္ခမှာ ခန္ဓာဝါဟနပညာရပ်ကို
ကောင်းစွာတတ်ကျွမ်းပြီး၊ယက္ခ၏သမီးဖြစ်သူ ခင်နွဲ့ရီကတော့ ရူပါဝါဟနပညာ၊ဒေါ်မယ်ခက ဘူတာဝါဟနပညာ
စသဖြင့်အသီးသီးတတ်ကျွမ်းသူများဖြစ်ပေသည်။ထို့ကြောင့် လူအရိုးများတွဲဆက်ပြီး ဦးနှောက်၊ကလီဇာများထည့်ခြင်းကို ယက္ခမှတာဝန်ယူရ၍ ၊ပေါ်လာသော လူရုပ်ပုံအား ခင်နွဲ့ရီမှလူပုံစံအတိုင်းဖြစ်အောင် ရေးဆွဲပေးရသည်။အားလုံးပြီးပြီဆိုရင်တော့ အရုပ်ပြုလုပ်ခြင်း၏
အရေးအကြီးဆုံးဖြစ်သည့် ဘူတာဝါဟနပညာရပ်ဖြင့်
ဒေါ်မယ်ခမှ အသက်သွင်း စီရင်ပေးရပေသည်။ယနေ့သည်ကား ယက္ခတစ်ယောက် မြင့်ဦး၊ဖိုးထူးနှစ်ယောက်နှင့်အတူ
အလုပ်အရှုပ်ကြီးရှုပ်နေကြတော့သည်။
"မြင့်ဦး အရိုးတွေ ပြုတ်မထွက်အောင် သေချာခိုင်အောင်ချည် ကြားလား တော်ကြာနေ သွားနေရင်း အရိုးတွေပြုတ်ထွက်နေကုန်အုံးမယ်"
"ဟုတ်ကဲ့ ကိုကိုကြီး"
{၆}
"ရော့ ဒီအရိုးကို လက်ဖံရိုးနေရာမှာ တပ်ပြီး သေချာအောင်ချည်"
"ဟုတ်ကဲ့"
"ဖိုးထူး မင်းက ငါပြင်ဆင်ပေးထားတဲ့ ကောက်ရိုးတွေ၊လဲမှိုတွေနဲ့ ဦးနှောက်နဲ့ အစာအိမ်၊ကလီဇာနေရာတွေမှာ သေချာထည့် ဘာမှမေ့မကျန်စေနဲ့နော် ဦးနှောက်လိုမျိုးက
အဓိကပဲ့ တော်ကြာနေ ဘာမှမတွေးခေါ်မစဉ်းစားတတ်ဘဲနေမယ်"
"ဟုတ်ကဲ့ အမေ့စေရပါဘူး ကိုကိုကြီး"
ထိုကဲ့သို့ယက္ခမှ သူတတ်ကျွမ်းသော ခန္ဓာဝါဟနပညာဖြင့်
မြင့်ဦးနှင့်ဖိုးထူးနှစ်ယောက်အားသေချာ ချပြကာ အစွမ်းကုန်လုပ်ဆောင်နေသည်။အရိုးများအား သေချာအောင်
တပ်ဆင်ပြီးသည်နှင့် ပိတ်ဖြူများဖြင့် တစ်ကိုယ်လုံးပတ်လိုက်ကာ ခန္ဓာဝါဟန ပညာရပ်အားအဆုံးသတ်လိုက်တော့သည်။
"သမီး ခင်နွဲ့ရီရေ တစ်ရုပ်တော့ပြီးပြီ ကိုယ့်တာဝန်ကိုယ်
လာယူလှည့်တော့"
"ဟုတ်ကဲ့ အဘ အော် ဒါနဲ့ ကျွန်မက ဘယ်လိုပုံစံမျိုးဖြစ်အောင် ရေးဆွဲပေးရမှာလဲဟင် အဘ"
"ဒါတော့ အဘလည်းမသိဘူး မယ်မယ်ကြီးကို မေးမှရမယ်"
သားအဖနှစ်ယောက် ပြောဆိုနေကြတုန်းမှာပဲ့ ဒေါ်မယ်ခ
အိမ်ပေါ်မှ ဆင်းချလာပြီး
"သူရဲကောင်း ပုံစံတွေမျိုးဖြစ်အောင်ရေးချယ်ရမယ် မြေးလေး တကယ့်ကိုရဲစွမ်းသတ္တိနှင့်ပြည့်စုံတဲ့ ပုံစံမျိုးပေါ့"
"အားလုံးကိုလား မယ်မယ်"
"ဟုတ်တယ် ဒါပေမယ့် တစ်ရုပ်နဲ့တစ်ရုပ်တော့ မတူစေနဲ့ပေါ့ အားလုံးက သူရဲကောင်းပုံစံတွေပဲ့ဖြစ်နေအောင်
ရေးဆွဲပါ"
"ဟုတ်ကဲ့ပါ မယ်မယ်ကြီး"
ဒေါ်မယ်ခ၏ အမိန့်ရသည်နှင့် ခင်နွဲ့ရီလည်း သူတတ်ကျွမ်း
သော ရူပါဝါဟနပညာကို အသုံးချကာ အရုပ်များအား
စတင်ရေးခြယ်တော့သည်။ခင်နွဲ့ရီမှာ ရုပ်ချောသလောက်
ပုံရေးခြယ်ရာတွင်လည်း လှပသေသပ်လှသည်။လိုချင်သည့် မည်သည့်ရုပ်ပုံမဆို ဟာကွက်မရှိအောင် လိုက်ဖက်ရာလိုက်ဖက်ရာဖြစ်အောင် ရေးခြယ်တတ်လှပေသည်။
"ပြီးပြီ မယ်မယ်ကြီး"
"အင်း ...သူရဲကောင်းပုံစံထွက်ပါပေတယ် ကဲ
ဆွဲပြီးပြီဆိုတော့ သူ့အတွက် လိုက်ဖက်မယ့်အဝတ်အစားလေးဆင်ပေးပါအုံး"
"ဘယ်လိုအရောင်မျိုးဆင်ရမလဲ မယ်မယ်ကြီး"
"အမဲရောင် လက်ရှည်နှင့် ဘောင်းဘီကို ဆင်ရမယ်
ဒါမှ ရဲစွမ်းသတ္တိနှင့် ပြည့်စုံတဲ့ လူပုံစံပေါက်မှာ"
"ဟုတ်ကဲ့"
"မယ်မယ်ကြီး အရုပ်ကဘယ်နှရုပ်လောက် လုပ်ရမှာလဲ"
"ရသလောက် များလေကောင်းလေပဲ့ယက္ခ ဒါမှ တို့ရဲ့
အကြံအစည်ကိုဖြစ်မြောက်အောင်လုပ်ရမှာ"
ဒီလိုနဲ့ ပျဉ်ထောင်အိမ် အမဲကြီးထဲ၌ ရှိရှိသမျှလူများကား
မအားလပ်အောင်ပင်အလုပ်များရှုပ်နေကြတော့သည်။
အပိုင်း ၃ ဆက်ရန်
Credits
No comments