မြိုင်မဟာ ဓာတ်ရှင်(အပိုင်း ၈)
မြိုင်မဟာ ဓာတ်ရှင်(အပိုင်း ၈)
မင်းသီဟ၏ ဘဝဇာတ်ကြောင်း
{၂၃}
တောင်ပြာတန်း များဆီသို့ ပျံသန်းနေသော ငှက်ကလေးများရှေ့၌ သူရိန်နေမင်းကြီးက လောကတစ်ခွင်သို့
အရောင်ဖျော့ဖျော့ကလေးဖြာကျလာသည်။နေမင်းကြီး
လောကတစ်ခွင်သို့ စတင်ဖြာကျလာခြင်းနှင့်အတူ နေလုံးကြီးအောက်မှ သာယာလှသောရွာတစ်ရွာရှိ
အိမ်တစ်လုံး၌လည်း လူ့လောကသို့ စတင်ဝင်ရောက်လာသူတစ်ဦးရှိနေပေသည်။
"အူဝဲ အူဝဲ"
"ဟယ် မိန်းခလေးတော့"
သေးငယ်လှသော အိမ်ထဲမှ ထွက်ပေါ်လာသော လက်သည်၏အသံကြောင့် အိမ်ရှေ့၌ထိုင်ကာ စိတ်လှုပ်ရှားနေရှာသော ၁၂ နှစ်အရွယ် ကောင်လေးတစ်ယောက်လည်းဝမ်းသာရွင်ပြသည့်အမူအရာဖြင့် အိမ်ထဲသို့အတင်းပြေးဝင်သွားသည်။ထိုနောက် လက်သည်၏ လက်ထဲမှ
ခလေးအား အတင်းပွေ့ချီကာ
"ညီမလေး ငါ့မှာ ညီမလေးရှိပြီကွ ဟားဟား"
ယခုမှ လူ့လောကထဲစရောက်လာသော နီတာရဲ ခလေးလေးဆီအားလုံးရဲ့အာရုံရောက်နေ၍ မီးဖွားနေသောသူကိုပင်မေ့လျော့နေကြပေသည်။
"ဟင် မမြရင် မမြရင် လုပ်ပါအုံး မမြရင်အသက်မရှုတော့ဘူး"
"ဗျာ...အမေ "
ညီမလေးအား ပွေ့ချီရင်း အပျော်လွန်နေရှာသည့် ကောင်လေးမှာလည်း လက်သည်၏ စိုးရိမ်တစ်ကြီး ပြောစကားကြောင့် ခလေးအားနံဘေး အိပ်ယာပေါ်၌ အသာချလိုက်ကာ အမေဖြစ်သူအား ကိုင်လှုပ်နိုးတော့သည်။
"ဒေါ်ကြီး အမေ အမေဘာဖြစ်တာလဲဟင်"
ကောင်လေးက စိုးရိမ်စိတ်ဖြင့်မေးလိုက်ပေမယ့် လက်သည် မိန်းမကြီးမှာ မျက်စိမျက်နှာသာပျက်နေပြီး ကောင်လေးအားဘာမှပြန်မဖြေတော့။
"ပြောပါ ဒေါ်ကြီးရယ် ပြောပါ ကျွန်တော့်အမေ
ဘာဖြစ်တာလဲဗျ...ဟင့်"
"စိတ်မကောင်းပါဘူး မင်းသီဟရယ် မင်းအမေဆုံးရှာပြီ"
"ဗျာ...အမေ မဟုတ်ဘူး မဟုတ်ဘူး အမေရယ်
သားတို့ကိုဒီအတိုင်းထားခဲ့ပြီလားဗျာ အီးဟီးဟီး"
ဝမ်းသာခြင်းဝမ်းနည်းခြင်းနှစ်မျိုးစလုံးအားတစ်ပြိုင်နက်ခံစားလိုက်ရသည့် ကောင်လေးမှာလည်း ညီမလေးအားနံဘေး၌ချ၍ အမေဖြစ်သူအားပွေ့ချီကာ ငိုကြွေး၍မဆုံးနိုင်တော့ပေ။ထိုလူငယ်လေးကား မင်းသီဟပင် ဖြစ်ချေတော့သည်မဟုတ်ပါလား။တိုက်ဆိုင်၍ ပဲ့လားမသိသော်လည်း မင်းသီဟ၏ ညီမလေး ကိုယ်ဝန်စလွယ်သည့်အချိန်၌ မင်းသီဟ၏ အဖေ ပိုးထိ ဆုံးသည်။အခုလည်း
အမေဖြစ်သူ ညီမလေးကို မွေးမွေးခြင်းပဲ့ ဆုံးပြန်ပြီ။လူ့လောကကိုစဝင်သည်နှင့် မိဘမေတ္တာအားမရလိုက်ရှာသော ညီမလေးနှောင်းခင်ပျိုအား မင်းသီဟ သနားချစ်ခင်၍မဆုံးပေ။နှောင်းခင်ပျို မမွေးခင်အချိန်က မင်းသီဟတို့၏မိသားစုလေးသာယာပျော်ရွှင်ပြီး စီးပွားရေးလည်းဒီရေအလားတိုးတက်ကာ သူဌေးအဆင့်လောက်မဟုတ်ပေမယ့် လူလတ်တန်းစားလောက် နေထိုင်နိုင်ခဲ့သည်။မိဘနှစ်ပါးစလုံးဆုံးသည့်အချိန်မှာတော့ မင်းသီဟ၌ ကံဆိုးမလေး နှောင်းခင်ပျိုမှလွှဲ၍ မည်သည့်
ဥစ္စာပစ္စည်းမှမကျန်အောင်တက်တက်ပြောင်သွားသည်။ဘာမှမသိနားမလည်သေးသည့် မင်းသီဟဆီမှ
မတရား ဈေးများနှင့် နှိမ်၍ဝယ်ယူကြခြင်းကြောင့်ပင်။နှောင်းခင်ပျိုလေးကိုလည်း နတ်ဆိုးမလေးအတိတ်မကောင်းဘူးဟုဆိုကာ မည်သူကမျှမွေးစားခြင်းမပြုကြတော့ မင်းသီဟကသာသူ့ညီမလေးအား သိနားလည်သလောက် လူလားမြောက်အောင်ပြုစုပျိုးထောင်လာခဲ့လေသည်။ရောင်းချစားသောက်စရာ ပစ္စည်းဥစ္စာများမကျန်တော့ မည်သည့်အလုပ်ကြမ်းမျှမလုပ်ကိုင်ဖူးသော်လည်း ခွန်အားကိုအရင်းပြုကာ ကြုံရာအလုပ်ကိုလုပ်ကိုင်ရင်း ပင်ပန်းဆင်းရဲစွာနေထိုင်လာခဲ့ရလေသည်။တဖြည်းဖြည်းနဲ့ နှောင်းလေးလည်း ၁နှစ်ပြီးတစ်နှစ်အရွယ်ရောက်ရှိလာလေသည်။အနှိမ်ခံမောင်နှမနှစ်ယောက်မှာလည်း ကြီိးပြင်းလာလေ လူတစ်ကာ၏ အနှိမ်ခံရလေဖြစ်၍ တစ်ဖြည်းဖြည်းရွာပြင်သို့
ရောက်လာကာ ရွာပြင် ကုက္ကိုပင်အောက်၌ တဲလေးဖြစ်သလို ထိုးနေရသည်အထိဖြစ်လာသည်။အကြောင်းမှာမူကား ရွာထဲ၌ လူတစ်ယောက်သေရင် တစ်ယောက်
ဒီမကောင်းဆိုးဝါးမလေး ရှိနေလို့သေရတာဟု နှောင်းအပေါ်အပြစ်မရှိအပြစ်ပုံချကြ၍ဖြစ်သည်။အဲဒီလိုပြောတဲ့လူတိုင်းကိုလည်း မင်းသီဟမှာ ညီမလေးအတွက်
မခံချင်တဲ့စိတ်နဲ့ပြန်ပြောလျှင်လည်း ကိုယ်ကသာခံရသည်ချည်းသာ။နောက်ဆုံး ထိုအသံများအားမကြားချင်သည့်အဆုံး တစ်ရွာလုံးရဲ့ဆန္ဒအတိုင်း ရွာပြင်သို့ပြောင်းရွေ့ပေးခဲ့ရသည်။မင်းသီဟက ရွာထဲသို့ဝင်၍ ကြုံရာအလုပ်များလုပ်ကိုင်ခွင့်ရသော်လည်း နှောင်းကိုမူကား ရွာထဲသို့
အဝင်မခံကြပေ။အဆိုးဆုံး သူများကတော့ ရွာထဲတွင်ရှိသော အတန်အသင့်ချမ်းသာကြသူများပင်။ထိုသူဌေးအိမ်များ၌ မင်းသီဟ ထင်းခွဲရေခပ် အိမ်မှုကိစ္စမှန်သမျှအကုန်
လုပ်ကိုင်ပေးပါသော်လည်း မင်းသီဟအား ရရှိမည့်လုပ်အားခ ၄ပုံတစ်ပုံမျှသာပေးလေသည်။ဒီတင်မကသေးဘဲ
ထိုသူဌေးသူကြွယ်များ၏ အပြစ်တင်ဆဲဆိုခြင်းများနှင့်
ရိုက်နှက်မှုကိုလည်းနေ့စဉ်နှင့်အမျှ ခံရပါသေးသည်။
{၂၄}
ထိုကြောင့် မင်းသီဟလေးမှာ ချမ်းသာကြသောသူများအားလွန်စွာမှ ရွံရှာမုန်းတီးသလို ဆင်းရဲမွဲတေလှတဲ့ မိမိကိုယ်မိမိလည်း မုန်းမိလေသည်။ထိုအပြင်မိမိကဲ့သို့ တစ်ခြားဆင်းရဲကြသူများကိုလည်း သနားညှာတာ ၍ မိမိ၌ရှိရင်ရှိသလို ပေးကမ်းစွန့်ကြဲတတ်ပေသည်။ဤသည်မှာ မင်းသီဟ၏ ချီးကျူးဖွယ်စိတ်ဓာတ်အမှန်ပေတည်း။ဒီလိုနဲ့ တစ်ဖြည်းဖြည်းနှစ်ကာလတွေကြာညောင်းလာတဲ့အချိန်မှာတော့ မင်းသီဟလည်း
ခန့်ညားလှတဲ့ လူပျိုအရွယ်သို့ရောက်ရှိလာသလို
နှောင်းမှာလည်း လှပချောမောသည့် အပျိုလေးဘဝသို့ရောက်ရှိလာပေပြီ။တစ်ရွာလုံး၏ မျက်စိကျခြင်းခံလာရသည့် နှောင်းမှာလည်း အကိုဖြစ်သူ အလုပ်သွားလျှင်တစ်ယောက်တည်း ရွာပြင်တဲလေး၌ ကျန်နေခဲ့ရ၍ လွန်စွာမှ အန္တာရယ်ကြီးလှပေသည်။
မင်းသီဟလည်း နှောင်းအားစိတ်မချပေမယ့် သူနဲ့အတူ
ရွာထဲလက်တွဲခေါ်ဝင်လို့လည်းမရတော့ ဒီအတိုင်းသာ
ထားခဲ့ရတာချည်းပင်။တစ်နေ့...
များပြားလှသော ရွာလယ်ထန်းတောကြီးထဲ၌ မူးယစ်သောက်စားနေကြသော လူတစ်စုရှိလေသည်။ထိုလူတစ်စု၏အလယ်၌ကား မြူအိုးဖြင့် ထည့်ထားသည့် ထန်းရေ
တစ်အိုးကပြည့်လျှံနေလျက်။ဝိုင်းထိုင်နေကြသောထိုလူစုမှာလည်း ၄င်းတို့အလယ်မှ မြူအိုးထဲရှိထန်းရေများအား တစ်ယောက်တစ်ခွက် လက်မလည်အောင်ခပ်ခပ်သောက်နေကြသည်။အမြည်းအဖြစ် ပဲကြီးလှော်သာဝါးကြရင်း နှုတ်ခမ်းများရွဲ့စောင်းကာ အော်ဟစ်ဆူညံ
တစ်ယောက်တစ်ပေါက်ပြောဆိုနေကြ၏။
"ဟေ့ကောင် ဗဒင် ဂေ့"
"အေ့ ထွီ..ဘာလဲကွ စိုးမြင့်"
"မင်းကိုငါတစ်ခုပြောစရာရှိတယ်ကွ"
"အေး ပြောကွာ ဘာပြောမှာလဲ"
"ဒီလိုကွာ အေ့ ဟိုကောင် ငမွဲမင်းသီဟရဲ့ ညမလေး အေ့
မင်းသိတယ်မလား"
"အေး သိတယ်လေကွာ ဘာဖြစ်လို့လဲ"
"ကွာ ဒီကောင်မလေး တစ်နေ့တစ်ခြား လှလှလာတာ
သူ့ကိုမြင်တိုင်း ငါ့စိတ်တွေ ထိန်းမရတော့ဘူးကွာ အေ့"
စိုးမြင့် ၏စကားကြောင့် ဗဒင်အပြင် တစ်ခြား သူတို့၏
သောက်ဖော်သောက်ဖက် ဌေးဦးနှင့်မင်းအောင်တို့လည်း
အားလုံး ငြိမ်သက်သွားကြတော့သည်။ထိုနောက် ဌေးဦးမှ
"ဟာ..အဲဒါတော့ဟုတ်တယ်ကွ ဒီကောင်မလေး
လှလာချက်ကတော့ကွာ "
"ဟေ့ကောင်တွေ မင်းတို့ ဘာဖြစ်ချင်လဲသာပြော"
"ငါတို့ကတော့ ကြိတ်ချင်နေပြီကွာ"
"ဟုတ်တယ် ဗဒင်ရာ"
"ဒါများ လွယ်လွယ်လေးကွာ ရွာအပြင်မှာ တဲတစ်လုံးနှင့်
တစ်ယောက်တည်းနေတာ ကြိုက်သလို လုပ်လို့ရတယ်"
"သူ့အစ်ကိုမင်းသီဟတွေ့ရင်ဘယ်လိုလုပ်မလဲကွ"
"ဒီငအကိုထည့်မတွေးစမ်းပါနဲ့ကွာ ဘာမှအဖြစ်ရှိတဲ့ကောင်မဟုတ်ဘူး တွေ့တော့လည်း ဝိုင်းသမလိုက်ကြတာပေါ့"
" ကဲ လာကွာ ဒါဆိုလည်းဒီတစ်မြူကုန်ရင် ငါတို့အားလုံးအဲဒီကိုသွားကြမယ်"
"ရော့ အောင်မြင်ပါစေ "
"နှောင်းရေပြင်ထားတော့ဟေ့ ဟားဟား"
ထိုလူတစ်စု၏ ကြုံးဝါးသံများနဲ့ရီသံများကားထန်းတောတစ်ခွင်သို့ပြန့်နှံ့သွားတော့သည်။
လူသူပြတ်လပ်သောရွာထိပ်ကုက္ကိုပင်အောက်ရှိ တဲကုတ်ကလေးထဲမှ နှောင်းတစ်ယောက်တည်း မင်းသီဟခပ်ထည့်ပေးထားသည့် ရေအိုးလေးဆီသို့်ထဘီရင်လျားလေးနဲ့ထွက်လာသည်။အကိုဖြစ်သူပြန်လာရင် အဆင်သင့်
စားရန်အတွက် တည်ချက်ပြီး ရေချိုးရန်ထွက်လာခြင်းပင်။ရေအိုးလေးဆီသို့ရောက်သည်နှင့်ပါလာသောသဘက်အား နံဘေးရှိ တန်းလေး၌ တင်လိုက်ကာ ရေအိုးနံဘေးခင်းထားသည့် သစ်ပြားလေးပေါ်သို့ထိုင်ချလိုက်သည်။ထိုနောက် ရေအိုးထဲမှရေအား ခပ်၍ ကိုယ်ပေါ်သို့ ဖွဖွကလေးလောင်းချလိုက်သည်။တစ်ခွက်နှစ်ခွက်ခန့်လောက်ခပ်ချိုးပြီးသည့်အချိန်လောက်၌ နှောင်းမထင်မှတ်ထားသော
အဖြစ်အပျက်တစ်ခုက ရုတ်တရက်ထွက်ပေါ်လာတော့သည်။
"ဟေ့ကောင်တွေ ကြည့်စမ်း တွေ့မယ့်တွေ့တော့လည်း
တကယ့်ကို ဂွင်ကြီးပဲ့ကိုး"
နှောင်း၏ နံဘေးဆီမှ ပေါ်ထွက်လာသောအသံများကြောင့်နှောင်းလည်းရုတ်တရက်လန့်သွားကာ
သဘက်အား အမြန်လှမ်းယူ၍ သူမ၏ ခန္ဓာကိုယ်အပေါ်ပိုင်းအား လျင်မြန်စွာ ပတ်လိုက်သည်။ထိုနောက် ထိုင်နေရာမှရပ်လိုက်ကာ
"ရှင် ရှင်တို့တွေဘယ်သူတွေလဲ ဘာလာလုပ်ကြတာလဲ"
"သိပ်လည်းမကြောက်ပါနဲ့ ကွာ အကိုတို့ မင်းလေးကို
ဖြည်းဖြည်းလေးပဲ့ချစ်မှာပါ ဟေ့ကောင်တွေဟုတ်တယ်နော်"
"ဟုတ်တယ် ဟုတ်တယ်"
"ဟားဟားဟားဟား"
"ရှင်တို့မယုတ်မာနဲ့နော် ကျွန်မအော်လိုက်မှာ"
"အော်လေ ကြိုက်သလောက်အော် မင်းကိုဘယ်သူကမှ
လာကယ်မယ့်သူမရှိဘူး ဟားဟား လာစမ်းပါ"
"လွှတ်နော် လွှတ် ရှင်တို့မယုတ်မာကြနဲ့နော်
ကယ်ကြပါအုံးရှင် ကယ်ကြပါအုံး"
ပြောပြောဆိုဆိုပင် ဗဒင်မှနှောင်အားအတင်းဝင်တုတ်တော့သည်။နှောင်းမှာလည်း အားနွဲ့သည့်မိန်းခလေးဖြစ်၍
ယောကျာင်္းတစ်ယောက်၏အားနဲ့တုတ်ထားမှုအောက်၌ဘယ်လိုမှရုန်းမထွက်နိုင်ရကားဘေးပတ်ဝန်းကျင်ကိုသာ
သနားစဖွယ်အော်ဟစ်အကူအညီတောင်းနေတော့သည်။
{၂၅}
သို့သော်လည်း နှောင်းနေသည့် တဲကုတ်လေး၏ ပတ်ဝန်းကျင်၌ကား လူမဆိုထားနဲ့ခွေးတစ်ကောင်ကြောင်တစ်မြည်းမှမရှိပေ။ဗဒင်မှာနှောင်းအား မတရားအဓမ္မကျင့်ရန်အတွက်တုတ်ထားပြီး နံဘေးမှပါလာသည့် အပေါင်းအဖော်များကလည်း တဟားဟားနဲ့ဝိုင်းဝန်းရီမောထောပနပြုနေကြပေသည်။ထိုအခိုက် ဘဒင်မျက်နှာဆီသို့
ပြင်းထန်လှသော လက်သီးတစ်ချက်မထင်မှတ်ဘဲကျရောက်လာတော့သည်။
"ခွပ်"
"ခွေးမသား ကဲကွာ"
"ခွပ် ခွပ်"
"အစ်ကို အဟင့် ဟင့်"
"မကြောက်နဲ့ နှောင်း အစ်ကိုရောက်လာပြီ"
ထိုလက်သီးပိုင်ရှင်ကား မင်းသီဟပင်မဟုတ်ပါလား။
မင်းသီဟရောက်လာသည်နှင့် နှောင်းလည်း မင်းသီဟအားအတင်းဖက်၍ တစ်ရှုံ့ရှုံ့ငိုတော့သည်။အထိုးခံလိုက်ရသောဘဒင်မှာလည်း မင်းသီဟအား
မကျေနပ်သည့်အကြည့်ဖြင့်ကြည့်ကာ
"ဟေ့ကောင်တွေ ဘာလုပ်နေကြတာလဲ ဝင်ချကြလေကွာ
ဒီကောင့်ကိုမှတ်လောက်သားလောက်အောင်ဆုံးမလိုက်
အား...ကျွတ်..ကျွတ်"
ဗဒင်စကားအဆုံး၌ ဗဒင်နောက်ပါများ မင်းသီဟအား
အလုံးအရင်းဝင်ရောက်သတ်ပုတ်ကြတော့သည်။မင်းသီဟလည်း နှောင်းအားလွှတ်ထားခြဲ့ပီး ဗဒင်နောက်လိုက်များအား ပြန်လည်ခုခံသည်။သို့သော်လည်း အများနှင့်တစ်ယောက်ဖြစ်၍ ပထမသာပြန်လည်ခုခံနိုင်၍
နောက်ဆုံး၌ ဗဒင်တို့လက်ချက်ဖြင့် မြေပြင်၌လူးလိမ့်ကာ
မထနိုင်ဘဲဖြစ်နေတော့သည်။မျက်နှာတွင်ဖူးရောင်ကာလူးလိမ့်နေသည့် အကိုဖြစ်သူအားမကြည့်ရက်တော့သည့်အဆုံး နှောင်းလည်း အရဲ့စွန့်၍ ရှေ့၌ ဝင်ကာလိုက်ကာ
"မလုပ်ကြပါနဲ့တော့ရှင် မလုပ်ကြပါနဲ့တော့နော်"
"ဟေ့ကောင်မ ဖယ်စမ်း နင်ပါသေချင်လို့လား"
"ကျွန်မရှိခိုးပြီးတောင်းပန်ပါတယ်ရှင် ကျွန်မအစ်ကို ကိုဘာမှမလုပ်ကြပါနဲ့တော့နော်"
ပြောပြောဆိုဆိုပင် နှောင်းတစ်ယောက်မျက်ရည်စက်လက်ဖြင့် လက်အုပ်ကလေးချီကာ ဗဒင်တို့ရှေ့၌ဒူးထောက်ချလိုက်တော့သည်။
"ကဲ ဗဒင် ဒီလောက်ဆို ဒီကောင်လည်းမှတ်လောက်ပြီ
ပြန်ကြစို့ကွာ"
"တောက် ဟေ့ကောင်မင်းသီဟ မင်းမြဲမြဲမှတ်ထား
ဒါနမူနာပဲ့ရှိသေးတယ် နောက်ဆို ဒီထက်နာမယ်ကြားလား
လာဟေ့ကောင်တွေ သွားကြမယ်"
ဗဒင်တို့လည်း မင်းသီဟအားဒေါကြီးမောကြီးဖြင့်
ကြိမ်းမောင်းကာ မင်းသီဟတို့်၏ တဲကလေးအားကျောခိုင်းသွားကြတော့သည်။ဗဒင်တို့ထွက်သွားပြီးတော့မှ နှောင်းလည်း မင်းသီဟဆီသို့သွားကာ
မင်းသီဟအားပွေ့ချီ ငိုယိုတော့သည်။ထိုနောက်
မင်းသီဟအား အိမ်ထဲသို့တွယ်ခေါ်သွားကာ နားလည်သလောက် ပြုစုပေးနေလေသည်။ထိုအခိုက် အိမ်ရှေ့ဆီမှ
"အိမ်ရှင်တို့ အိမ်ရှင်တို့"
"ကျွတ် ကျွတ် ညီမလေး အိမ်ရှေ့ကဘယ်သူခေါ်နေလဲမသိဘူး ထွက်ကြည့်လိုက်ပါအုံး"
"ဟုတ်"
အသံပိုင်ရှင်ကား အသက် ၆ဝ အရွယ်အဖိုးကြီးတစ်ယောက်၏ အသံပင်။
"ဘာကိစ္စများရှိလို့ပါလဲရှင်"
"အဘ က ဒီအနီးအနားကရွာတွေမှာ ဆေးလိုက်ကုနေတဲ့
ဆေးဆရာပါကွယ် ဒီရွာကိုဝင်လာရင်းက ပထမဆုံးတွေ့တဲ့အိမ်မို့ လူနာများရှိနေမလားလို့ပါ"
"ဟင်...အတော်ပဲ့အဘရယ် ရှိပါတယ် ရှိပါတယ်
အထဲကြွပါရှင်"
ဆေးဆရာဟုဆိုသည်နှင့် နှောင်းလည်း ဝမ်းသာစွာပင်
အိမ်ထဲသို့ခေါ်ယူ၍ မင်းသီဟအား ဆေးကုပေးစေသည်။
ဆေးဆရာအဘမှာလည်း မင်းသီဟမျက်နှာမှ ဒါဏ်ရာများအားပါလာသည့် ဆေးများလိမ်းပေးလိုက်ပြီး
"ဒါဏ်ရာတွေက ဘယ်လိုရတာလဲကွယ်"
အဘ၏ အမေးကြောင့် နှောင်းမှာလည်း ဖြေရနိုးမဖြေရနိုးဖြင့် အကိုဖြစ်သူမင်းသီဟ၏ မျက်နှာအားကြည့်ကာကြည့်ကာလုပ်နေတော့သည်။ထိုနောက်မှာတော့
မင်းသီဟကပင် သူတို့မောင်နှမ၏ အကြောင်းအား
အစမှအဆုံးပြောပြလိုက်တော့သည်။
"အိမ်း ဒီလိုဆိုတော့ မင်းရဲ့ ညီမလေးအတွက် မလွယ်ပေဘူးပဲ့ နောက်ဆိုဒီထက်ဆိုးလာနိုင်တယ်"
"ဟုတ်ပါတယ် အဘရယ် "
"အဘကတော့ မင်းတို့မောင်နှမနှစ်ယောက်ကို သနားမေတ္တာထားမိတယ်ကွယ် ဒီတော့ ဆန္ဒရှိရင် မြိုင်မဟာတောကြီးထဲ အဘနဲ့အတူ လိုက်နေစေချင်တယ်"
"မြိုင်မဟာတော ဟုတ်လား အဘ"
အဘရဲ့ ဖိတ်ခေါ်မှုနဲ့အတူ မင်းသီဟစဉ်းစားမနေတော့ဘဲ
နှောင်းရဲ့ အန္တာရယ်တွေကင်းစေဖို့ မြိုင်မဟာတောကြီး
ထဲ သို့ အဘနောက်မှ လိုက်ခဲ့တော့သည်။
########
"အဖြစ်အပျက်လေးကတော့ ဒါပါပဲ့ဦးဂွတ်ရယ်
ဒီရောက်တော့ အဘကကျွန်တော့်ကို သိုင်းပညာအပြင်
ကြောင်ပျံဆေးလည်း ဖော်စပ်ပေးတယ်လေ ဆေးအောင်တော့ ကျွန်တော်လည်း သူဌေးတွေကို မုန်းနေတဲ့သူဆိုတော့ ကျွန်တော်နေခဲ့တဲ့ရွာအပြင် တစ်ခြားမြို့ကြီးတွေမှာရှိတဲ့ သူဌေးတွေရဲ့ပစ္စည်းတွေကို ကျွန်တော့်ကြောင်ပျံအစွမ်းနဲ့ လိုက်ခိုးပြီးတခြားမရှိဆင်းရဲသားတွေကို ပြန်လှည်ဝေငှပေးတယ်လေ ဒါပေမယ့် ပစ္စည်းတွေကိုခိုးတဲ့နေရာမှာတော့ အားလုံးမခိုးပါဘူး လေးပုံတစ်ပုံလောက်ပဲ့ခိုးတာပါ"
"အော် ဒါကြောင့် ဒီအနီးအနားရွာတစ်ဝိုက်တွေက မင်းကိုမသိတဲ့သူမရှိတာကိုး"
"ဟုတ်ပါတယ်"
ညသည်လည်း တစ်ဖြည်းဖြည်းနက်သထက်နက်လာတော့
ဂူအပြင်ဖက်မှ တောကြီးညငှက်များအော်သံ ဂျေဟောက်သံများသာ ဆူညံနေတော့သည်။ဂူထဲတွင်တော့ လူနာမိုးကလေးနံဘေး၌ ထိုင်စောင့်ရင်း စကားပြောနေကြသည့်
မင်းသီဟနှင့်ကျွန်ုပ်အပြင် အဘနှင့်နှောင်းခင်ပျိုတို့ကတော့အိပ်စက်နေကြပေပြီ။မိုးကလေးကတော့ အဘထည့်ပေးထားသည့်ဆေးအရှိန်ကြောင့် အသက်ရှုနှုန်းပင် ပုံမှန်
ုပြန်ဖြစ်လာသည်ဟုထင်ရပေသည်။ကျွန်ုပ်နှင့်မင်းသီဟလည်းမိုးကလေး နံဘေး၌ပင် လူနာအခြေအနေကြည့်ရင်း ညကိုကုန်ဆုံးစေခဲ့တော့၏။
အပိုင်း ၉ ဆက်ရန်
Credits
No comments